ആൻഡേഴ്സൺ-തെണ്ടുൽക്കർ ട്രോഫി ടെസ്റ്റ് ക്രിക്കറ്റ് പരമ്പരയിലെ രണ്ടാം മത്സരത്തിനിടെയിലെ ഇംഗ്ലണ്ട് താരം ഹാരി ബ്രൂക്കും ഇന്ത്യൻ ഉപനായകൻ റിഷഭ് പന്തും തമ്മിലുള്ള സംഭാഷണം സമൂഹമാധ്യമങ്ങളിൽ തരംഗമാകുന്നു. ഇന്ത്യയുടെ രണ്ടാം ഇന്നിങ്സിൽ റിഷഭ് പന്ത് ബാറ്റ് ചെയ്യുന്നതിനിടെയാണ് സംഭവമുണ്ടായത്. പന്തിനെ പ്രകോപിപ്പിക്കുകയെന്ന ലക്ഷ്യത്തോടെയായിരുന്നു ബ്രൂക്ക് സംഭാഷണം തുടങ്ങിയത്.
'ടെസ്റ്റ് ക്രിക്കറ്റിൽ നിങ്ങളുടെ വേഗത്തിലുള്ള സെഞ്ച്വറി എത്രയാണ്?' ബ്രൂക്ക് പന്തിനോട് ചോദിച്ചു. 'ടെസ്റ്റ് ക്രിക്കറ്റിൽ 80-90 മിനിറ്റിൽ ഞാൻ സെഞ്ച്വറി അടിച്ചിട്ടുണ്ട്.' റിഷഭ് ബ്രൂക്കിന് മറുപടി നൽകി. എന്നാൽ നേരിട്ട പന്തുകളുടെ അടിസ്ഥാനത്തിലാണ് ഞാൻ ഇക്കാര്യം ചോദിച്ചതെന്ന് ബ്രൂക്ക് പ്രതികരിച്ചു.
'ഞാൻ 55 പന്തുകളിൽ സെഞ്ച്വറി നേടിയിട്ടുണ്ട്. അത് താങ്കൾക്ക് ഇന്ന് മറികടക്കാൻ സാധിക്കുമോ?' ബ്രൂക്ക് പന്തിനോട് ചോദിച്ചു. ഈ ചോദ്യത്തിന് റിഷഭ് ഉടൻ തന്നെ മറുപടി നൽകി. 'താങ്കൾക്ക് മികച്ച റെക്കോർഡ് ഉണ്ടാവാം. എന്നാൽ എനിക്ക് റെക്കോർഡുകളോട് അത്ര വലിയ ആഗ്രഹമില്ല. റെക്കോർഡുകൾ സ്വഭാവികമായി സംഭവിക്കുന്നതാണ്.' പന്ത് മറുപടി നൽകി.
Records? #RishabhPant’s reply will win your respect. 🙌#HarryBrook asked about the fastest hundred and Pant’s response was pure humility. 💯✨#ENGvIND 👉 2nd TEST, Day 4 | LIVE NOW on JioHotstar ➡ https://t.co/2wT1UwEcdi pic.twitter.com/MEx6HVDUJH
ഇംഗ്ലണ്ടിനെതിരായ രണ്ടാം ടെസ്റ്റിൽ ആദ്യ ഇന്നിങ്സിൽ 25 റൺസ് നേടിയ റിഷഭ് പന്ത് രണ്ടാം ഇന്നിങ്സിൽ 65 റൺസും നേടി. ആദ്യ ഇന്നിങ്സിൽ 269 റൺസും രണ്ടാം ഇന്നിങ്സിൽ 161 റൺസും നേടിയ ശുഭ്മൻ ഗില്ലിന്റെ പ്രകടനമാണ് ഇന്ത്യയെ മികച്ച സ്കോറിലെത്തിച്ചത്. സ്കോർ ഇന്ത്യ ഒന്നാം ഇന്നിങ്സിൽ 587, ഇംഗ്ലണ്ട് ആദ്യ ഇന്നിങ്സിൽ 407. ഇന്ത്യ രണ്ടാം ഇന്നിങ്സിൽ ആറ് വിക്കറ്റ് നഷ്ടത്തിൽ 427 ഡിക്ലയർഡ്, ഇംഗ്ലണ്ട് മൂന്നിന് 72.
Content Highlights: Rishabh Pant's Epic Response To Harry Brooks' Tempting Offer